京都紅葉突擊之旅

自出發到日本起，就將京都列入非去不可之旅遊地方，一去之下︰「 さすが ！」
由東京去京都可以坐新幹線，兩個幾鐘就到，但身為 Working Holiday 一分子的我當然唔會咁奢侈駛成萬幾 yen 同路軌做朋友，平平的在網上訂購來回加埋先係 7,300yen 的通宵巴，當然
有代價︰就係在 7 個小時 ( 一程 ) 的車程下，圓滑的 pat pat 會被 Dun 扁，再被搓到起角…

23:00 在新宿上車， 06:00 到京都車站，個天仲係黑漆漆一片 ~~ 一落車撲…埋黎既係一陣陣鄉土味道，節奏好慢、好少人，同東京好唔同既感覺，咁先係旅行的嗎！

在京都只待兩天，盡力遊遍地圖上的每撻世界遺產︰西願本寺 嵐山 大覺寺 天龍寺 金閣寺 二条城 清水寺 祗園 南禅寺 伏見稻荷大社 京都車站 ( 啱啱先話節奏慢，點解行程都是密質質，看似咁趕咁既？死性不改的香港人！ )

去京都當然不能 / 可 / 會錯過清水寺，但到步看見整座寺被 300 萬 ( 實際上可能有 500 萬 ) 遊客淹沒了，相當恐怖，出晒名的觀景台沒有一個容得下我的角落，再美的景色只能攝於眼底。保留文化遺產原貌與將其發展成名旅遊景點之間如何取得平衡？很慨嘆在逾千年歷史的寺廟內竟然會有求籤自動販賣機，真是 O 了咀，但這確是寺院的收入主要來源之一，じゃいいかもしれないなー！



清水寺雖出名，但不夠嵐山吸引，看見漫天紅葉，暈了！多得今年的怪天氣，才讓我在 11 月尾還能欣賞到遍佈嵐山山頭紅、橙、黃、綠 ( 爭在無青藍紫 ) 的紅葉，真係好靚呀！另外，伏見稻荷神社的萬個鳥居參道亦異常吸引，心諗「神社好有心 wor 」既時候，乍看之下，每個鳥居都刻上人名、公司、株式會社或其他財團的名字， orh …原來係東華三院！唔知要捐幾多錢先可以有自己的鳥居呢？

到祗園見到好多藝伎，覺得自己好似章子怡拍緊藝伎回憶錄咁，有興趣可以睇藝伎表演，但閒閒地要成萬 …. 蚊！






要在兩天內玩轉京都可以買當地乘車套票，好多旅遊書同網上 reference 都教買價值 2,000yen 的 2-day pass ，兩天內任搭巴士同地鐡，但根據我的經驗所得，在京都搭巴士方便過地鐡好多 ( 因為 pass 只包兩條地鐡線 ) ，主要景點搭巴士都可以直達，所以我會建議朋友買 500yen 的巴士一天乘車票，兩天加埋都是 1,000yen ，抵！註︰此 1-day pass 不包到嵐山 ( 另補 500yen) 。