《多啦 A 夢修理工場》@ Android

不知不覺叮噹（多啦 A 夢）已經去到 80 周年！有好多朋友都是多啦 A 夢的支持者~ 相信這隻機械貓都曾經陪伴過大家不少童年時光！最近　Google Play Store 就上架一款名為《Doraemon Repair Shop》嘅經營遊戲，主題、耐玩性、圖像各方面都兼顧到，是筆者近期覺得相當不錯的小品遊戲！有興趣的話大家試試看吧~

和一般經營類遊戲相似，《Doraemon Repair Shop》嘅主要玩法，就係安排店員（亦即係一眾叮噹角色們）用法寶幫鎮內市民維修道具黎賺取豆沙包！玩家需要把道具放到適合攤位上、再安排店員去不同岡位協助維修、更加要安排店員收銀。

千祈唔好以為好簡單、以上動作都需要唔同角色「走黎走去」一腳踢，如果用家唔能夠好好安排角色用最短路線完成任務，一眾不耐煩的顧客就會憤然離去，不但會令好評度下降，更會影響豆沙包的收入！


遊戲難度絕對不低，由第二關卡開始，如果玩家沒有花費港幣購買鈴噹增添新成員的話，相信就會感受到什麼叫「三個煲兩個蓋」的感覺，尢其一開始的大雄和小雄都相當「慢手慢腳」，經常有時間維修，冇時間收銀！

不過遊戲亦加入左額外法寶幫助玩家，例如可以用玩家「如果電話亭」短時間內無視維修種類，直接把道具亂放到非指定攤位上也可進行維修，不過維持時間就很短了。如果想玩得輕鬆一點，可以先提升一下攤位的等級，加快維修速度，不過當然就會離下一關卡遠一點了。

 

雖然《Doraemon Repair Shop》不能算是什麼大作，但簡單卻節奏明快的玩法加上討好的角色們和畫風，相信對於叮噹迷來說仍非常吸引！
https://play.google.com/store/apps/details?id=com.doraemon.doraemonRepairShop