熱門文章
-
(Sina)31歲日本女星安達佑實最近頻頻為下月2日發行的裸體寫真集《私生活》炒話題,但先前曝光的宣傳寫真照,卻完全不見露點演出,她前天又宣佈9月14日32歲生日當天,將在東京澀谷為該寫真集辦寫真展,讓粉絲一窺輕熟女的性感魅力。
-
山下智久、舞台あいさつでトラブルをファンに謝罪 / 山下智久、深々と頭下げ謝罪 據日本媒體報導,10月22日,山下智久在東京出席主演電影《近距離戀愛》的票房大賣感謝見面會,最初預定萬聖節裝扮出場的他突然換上一套黑色西裝打領帶出場,為六月發生的搶手機事件道歉。活動剛開始,山...
-
(Sina) 據台灣媒體報導,瘦身方法何其多,但最近日本明星在着迷叫“裸族生活”的瘦身法,長澤雅美、大島優子、深田恭子、宮澤理惠等人都是愛好者,主要就是全裸在家走來走去,就可以“瘦身”!原來利用的原理是,身體自動調節體溫的機能,除去的衣服的保護,體溫升高,自然新陳代謝就會變...
-
動漫畫陪伴我們長大,漫畫裡又愛又恨的角色若成為自己的朋友可不是有趣的事。日本知名網站goo日前調查出「最不想成為他朋友的20歲以下漫畫男角排名」,榮登第一名的是哆啦A夢中的小夫,奸詐狡猾愛現怕惡的形象深植人心,欺負大雄,對技安拍盡馬屁等! 若成為小夫的朋友,深怕自己何...
-
由向井理和綾野剛首次搭檔出演的TBS日劇《S-最後的警官-》12日開播,首集25分鐘加長版平均收視率為18.9%(關東地區),創下本期民放劇的最高收視開局。瞬間最高收視率21.8%,出現在晚上10點的時刻。《S-最後的警官-》由《海猿》《DOG×POLICE》的小森陽一...
2012年7月31日 星期二
東京直擊《LINE》賣可愛挑戰Facebook
來自日本的智能手機通訊應用程式《LINE》搞作多多,有趣貼圖固然係一大賣點,仲內置翻譯器,可以這邊廂打中文、對方打日文都傾到偈,唔怕雞同鴨講,難怪推出一年間,日本爆紅唔在講,全球已經有超過4,500萬名用家!早前,開發 《LINE》 的NHN Japan更在東京涉谷
新地標Hikarie召開玩味十足的「Hello, Friends in Tokyo」發布會,一入場就已有 《LINE》 經典貼圖公仔「饅頭人」、「熊大」同「兔兔」接待,會上更宣布 《LINE》 將會升級做全方位生活平台,並會加強Social Network功能,擺明要挑戰Facebook!
全球4,500萬用戶
繼「盲搶鹽」後的 「盲鏟LINE」 事件,大家應該仲有印象,不過全球咁多個已推出《LINE》服務的地區係得香港咁「敏感」。《LINE》普及速度快得驚人,去年六月方在日本推出,其市場增長速度拋離Facebook同Twitter,短短一年間,日本用戶已經超過2,000萬,全球用戶更超過4,500萬,預計下半年打入中國同美國市場後,年底目標係達到一億用戶。始終《LINE》係由日本方面開發,好明白東亞地區用家的需要,所以無論在程式下載量和貼圖商店的銷售量,都以東亞地區為主,除日本本土之外,台灣、泰國同香港都係主要市場,所以NHN Japan特地邀請上述三地傳媒出席發布會。
意想不到新玩法
搞得咁大壇發布會,當然有重要消息公布。首先就係以「Smartphone-life Platform」概念而開發的「LINE Channel」平台,會提供更多意想不到的新玩法。新功能包括有啲似Game Center的 「LINE Game」 功能,可以同《LINE》上朋友一齊玩遊戲,例如將會移植上《LINE》的韓國爆紅手機遊戲《LINE Birzzle》,另外合作單位仲有Konami、SQUARE ENIX同Rovio(即《Angry Birds》開發商)。另一新玩法為「LINE Novel」,以《LINE》對話泡泡形式閱讀小說,六月底推出試用版時,兩日內就有十萬位用家試用。此外新平台上的新功能仲有「LINE Fortune」占卜功能、「LINE Coupon」優惠券同「LINE Sound Shop」音樂購買服務,全部服務都在七、 八月間推出。不過以上功能好多都係夾咗日本公司提供服務,如「LINE Coupon」就同「Hot Pepper Gourmet」合作,香港就應該未咁快有得玩!
有得Add日本明星
然而,新社交網絡功能「LINE Home」同「LINE Timeline」就已經啱啱在不同地方包括香港登場,大家亦可以當佢係一個簡化版嘅Facebook,而Facebook亦係《LINE》的目標對手。「LINE Home」容許用家自己設計《LINE》主頁,Update到個人Status之餘,當然亦可瀏覽《LINE》朋友的主頁訊息,亦可以結合「LINE Camera」影相貼圖。
唔似得Facebook只係可以畀個Like,在「LINE Home」內可以畀唔同表情嘅「饅頭人」公仔,喜怒哀樂表情都有,想Dislike都得!「LINE Timeline」就同Facebook Timeline差唔多,應唔使多作介紹。除咗以上新功能之外,新推出無耐的官方帳號(Official Account)亦係《LINE》主打強項,香港用家可以Add上Wonder Girls、中川翔子、嚴爵、安心雅、丁噹等韓、日及台灣明星官方帳號,接收第一手資訊,嫌香港帳戶少明星?只要將國家一欄揀選日本,真係GACKT、鈴木奈奈、倉木麻衣都有得你Add,啱晒哈日族!
訂閱:
張貼留言 (Atom)
沒有留言:
張貼留言