最近, 新蒲崗有商場爆發小宇宙，將大堂布置到成個聖域，加上難得一見嘅經典珍藏、未公開發售嘅聖衣神話EX金牛座阿魯迪巴及水瓶座卡妙、率先亮相港產Kidslogic Q版雙子座撒卡，以及1:1嘅星矢雕像，身為粉絲記得到場朝聖! 今次展覽名為「《聖鬥士星矢》聖域神話館」現在和大家看看吧~
「《聖鬥士星矢》聖域神話館」四周以雪白色嘅希臘神殿圓柱布置成動畫中嘅聖域模樣。不經不覺，「聖衣神話EX黃金12宮」只係出剩水瓶座及金牛座，Bandai亦已表明兩者最快都要明年先會開售，這兩款EX試辦遠道來港，在今次展覽現身，聯同其餘多位EX黃金聖鬥士，配合大陣仗嘅場景布置，傳神重現每位角色嘅必殺技，包括阿魯迪巴嘅「巨形號角」，以及卡妙嘅「曙光女神之寬恕」。
活動焦點不單只有新作參展，場內仲有一間布置成漫天星空嘅密室，展出多項由超級粉絲借出、市面上難得一見嘅經典珍藏，包括初版「聖衣大系」全系列Figure，以及限量五百套、屬於非賣品嘅「假人馬」聖衣連場景，仲有滿載集體回憶嘅《星矢》卡式音樂帶連公仔書、TV版嘅監督荒木伸吾老師嘅手稿，以及東映動畫配音劇本等。
至於最有氣勢嘅展品，莫過於放正喺展區中央嘅1：1天馬座星矢雕像，修長嘅身形比例，充滿荒木老師嘅神髓，聖衣部分仲由象牙白改成電鍍銀，更見耀目。一個展覽，已經有晒咁多回憶、咁多Gimmick位，必然成為星矢迷必到嘅「打卡」熱點！
日期：即日至明年1月6日
地點：新蒲崗太子道東Mikiki地下中庭
時間：中午12時至晚上10時
沒有留言:
張貼留言