熊本熊@HK 期間限定Pop-up store

(GOtrip) 踏入七月各商場已經各出奇謀，招來各屆人氣吉祥物進駐商場，誓要熱爆暑假！最新到港的，是日本人氣「熊人」熊本熊（Kumamonくまモン），係日本人氣極高的他竟然飛來香港進駐荃灣開設全球唯一海外Pop-up store，同時推出大量印有自己「熊頭」的精品，俾粉絲一個驚喜！

熊本熊今年兩歲半大，原是日本九州新幹線全線通車後，用來宣傳「熊本站」而創的吉祥物，但甫「出道」即迅速走紅全日本，更於2011年獲得全日本地區吉祥物大賽冠軍，風頭一時無兩。

自此之後又要主持電視節目、又要外訪應酬及巡視業務，今次仲來到香港開Pop-up store，認真威水。Pop-up store 由6月28日開至7月21日，開幕頭三天熊本熊更會化身店長，在店內與粉絲合照。

店內亦會有不同熊本熊「嘜頭」的精品，由毛公仔、環保袋、紙巾盒套 、tote bag、筆袋至到文具、T-shirt都有！

Kumamon Pop-up store
日期︰6月28日-7月21日
地點: 荃灣廣場4樓一田