安室接班人 西內瑪利亞

日本女演員兼模特兒西內瑪利亞8月20日推出首張單曲《LOVE EVOLUTION》，正式踏上歌手之路。上位女星西內瑪利亞被受力捧，由時裝雜誌《Seventeen》嘅人氣女模，搖身變成演而優則唱嘅全能女星，最近更打扮打入日本整容樣辦第18位，成為越來越多日本整容顧客嘅心水靚樣。

20歲西內瑪利亞得唱片公司打造成樂壇型女，喺上個月推出處女單曲《LOVE EVOLUTION》，暫時只打入oricon銷量榜第19位，不過撞正同門事務所大師姐安室奈美惠鬧出合約糾紛，據講公司會集中火力捧佢做小天后，希望取代安室成為接班人，話已經同年底頒獎禮《日本唱片大賞》傾好，到時會頒新人獎畀西內瑪利亞，不過不少樂迷就嫌佢有排都未夠班。