美少女戰士Crystal首播 桃草cosplay唱主題曲

日本經典動漫《美少女戰士》眨吓眼已有22年歷史，全新製作嘅動畫版《美少女戰士Crystal》5/7終於首播，今次為照顧世界各地fans，會配合埋各地字幕喺網上同步播出，令全球嘅Sailor Moon粉絲期待。《美少女戰士Crystal》嘅人物設計，忠於原著漫畫版，以前動畫版嘅觀眾，可能未必睇得慣，而全新主題曲就是人氣女團桃色幸運草（桃草）

人氣女團桃色幸運草（桃草）負責開場同片尾歌曲，收錄呢兩首歌嘅細碟《MOON PRIDE》，已定7月30日出街。今日公開兩款唱片封套，桃草今次cosplay成五位主角拍封面，靚就一定稱唔上，但係佢哋近年走騎呢路線殺出血路，反而吸引一班宅男粉絲力撐。

由桃草唱出嘅《MOON PRIDE》，雖然唔及聽足廿年嘅《Moonlight傳說》咁夠霸氣，但首歌來頭都唔惹少，事關係憑《進擊的巨人》主題歌《紅蓮的弓矢》打入《紅白》嘅Revo一手包辦，自然備受注目。