EXILE示範整點心

日本男子組合EXILE嘅三位成員TAKAHIHO、AKIRA同MAKIDAI，應香港旅遊發展局邀請，再度以香港觀光親大使身份訪港，於尖沙咀海運中心出席活動。EXILE三子今次會留港三天，不但會試港式美食、睇港產片，仲會拍宣傳片返日本用嚟宣傳香港。

三子今早品嚐完米芝蓮級嘅點心後，仲由點心師傅帶領下，試整春卷及燒賣等中式點心，在場過百fans一見偶像出手，即時尖叫。TAKAHIHO話：「剛才8點起床飲茶點心，食完竟能試整，認真好玩。」AKIRA就賣口乖：「會回國分享香港美食及夜景，但最愛就是香港電影，會去拍港產片的場景看看。」不過MAKIDAI就表示今日香港天氣唔好，未能登上山頂睇景色，而感到遺撼。對於EXILE主音ATSUSHI傳會離隊，EXILE三子話佢係唔會參與秋季巡唱，但會負責組合嘅未來發展，而且組合絕唔會解散喎，又話4月尾就會有新成員加入，肯定令大家好期待喎。